Stúdentaráð
Stúdentafélag Háskólans á Akureyri er félag allra innritaðra stúdenta við Háskólann á Akureyri. Félagið er fyrst og fremst hagsmunafélag stúdenta, bakland og sameiningartákn aðildarfélaga þess og þeirra aðila sem sinna trúnaðarstörfum á vegum félagsins. Stúdentafélag Háskólans á Akureyri hefur yfirumsjón með atburðum á sviði skemmtana-, íþrótta- og fjölskyldumála og stendur á bakvið aðildarfélög sín til þess að sinna þessum málaflokkum innan sinna deilda. Félagið stendur vörð um hagsmuni heildarinnar, stuðlar að bættri heilsu og líðan stúdenta og vinnur náið með starfsfólki skólans að kynningarmálum, hagsmunamálum og öðru því sem snertir stúdenta, beint eða óbeint. Auk þess sem félagið vinnur náið með hagsmunafélögum annarra stúdenta, sérstaklega í gegnum LÍS – Landssamtök íslenskra stúdenta.
Stúdentaráð samanstendur af fjölbreyttum hópi einstaklinga þar sem ólík sýn og skoðanir mætast. Stúdentaráð fer með æðsta vald í málefnum félagsins. Það er skipað 15 einstaklingum. Níu eru kosnir á aðalfundi félagsins: forseti, varaforseti, fjármálastjóri, fulltrúi stúdenta í Háskólaráði HA og formenn fastanefnda. Einnig eiga sæti í ráðinu forsetar allra aðildarfélaga.
Framkvæmdastjórn
 |
Dagbjört Elva Kristjánsdóttir Forseti |
 |
Bríet Stefanía Þorsteinsdóttir Varaforseti |
 |
Rakel Sif Davíðsdóttir Fjármálastjóri |
Formenn aðildafélaga
 |
Steindór Haukur Sigurðsson Formaður Data |
 |
Guðrún Mist Þórðardóttir Forseti Eirar |
 |
Hilmar Örn Sævarsson Formaður Kumpána |
 |
Örvar Ágústsson Forseti Magister |
 |
Sara Lind Sigurðardóttir Forseti Reka |
 |
Aldís Mjöll Hlynsdóttir Forseti Stafnbúa |
|
|
Katla Ósk Káradóttir Formaður Þemis |
Kynntu þér aðildarfélög SHA hér
Fulltrúar stúdenta í nefndum og ráðum
 |
Aðalbjörn Jóhannsson Fulltrúi stúdenta í Gæðaráði |
 |
Rakel Rún Sigurðardóttir Fulltrúi stúdenta í Háskólaráði |
Kynntu þér nefndir og ráð SHA hér
Formenn fastanefnda
 |
Jóhannes Már Pétursson Formaður Alþjóðanefndar |
 |
Kristjana Freydís Stefánsdóttir Formaður Kynninganefndar |
 |
Rebecca Lísbet Sharam Formaður Viðburðanefndar |
Fundagerðir Stúdentaráðs
Stúdentaráð heldur fundi mánaðarlega, það er á ábyrgð forseta SHA að boða til fundar og varaforseta SHA að rita fundagerðir sem eru síðar birtar á vefsíðu SHA.
Fyrrum stjórnir
Saga félagsins
Félag stúdenta við Háskólann á Akureyri, FSHA, var stofnað árið 1987 og hafa allir stúdentar við Háskólann á Akureyri orðið sjálfkrafa félagar frá upphafi. Tilgangur og markmið félagsins hefur þróast í takt við tímann frá því félagið var stofnað. Í upphafi var skilgreint hlutverk félagsins að efla félagslegan þroska og samvinnu stúdenta við skólann, auk þess að gæta hagsmuna þeirra gagnvart aðilum innan skólans og utan. Síðar bættust við hlutverk eins og að auðga félagslíf stúdenta en með fjölgun aðildarfélaga FSHA varð hlutverk þess einnig að styðja við bakið á þeim félögum. Hagsmunabarátta hefur sífellt færst í aukana og er það eitt meginmarkmiða félagsins. Það ver hagsmuni stúdenta, jafnt innan skólans sem utan hans, og er málsvari stúdenta í heild. Á aðalfundi félagsins árið 2018 var nafni félagsins breytt í Stúdentafélag Háskólans á Akureyri, SHA.
Á 25 ára afmæli Háskólans á Akureyri var unnið að endurskipulagningu á félaginu og er skilgreint hlutverk þess eftirfarandi:
Félag stúdenta við Háskólann á Akureyri er félag allra innritaðra stúdenta við Háskólann á Akureyri. Félagið er fyrst og fremst hagsmunafélag stúdenta, bakland og sameiningartákn undirfélaga þess og þeirra aðila sem sinna trúnaðarstörfum á vegum félagsins. Það hefur yfirumsjón með atburðum á sviði skemmtana-, íþrótta- og fjölskyldumála og stendur á bakvið undirfélög sín til þess að sinna þessum málaflokkum innan sinna sviða og deilda. Félagið stendur vörð um hagsmuni heildarinnar, stuðlar að bættri heilsu og líðan stúdenta og vinnur náið með starfsfólki skólans að hagsmunamálum, kynningarmálum og öðru því sem snertir stúdenta, beint eða óbeint.