Stúdentafélag Háskólans á Akureyri

Astro Pizza er nýr og ört vaxandi pizzastaður við Glerárgötu 34 á Akureyri, við hliðina á Krónunni. Staðurinn var opnaður seinni hluta árs 2024 og hefur síðan þá vaxið jafnt og þétt. Í dag starfa um 12 manns hjá Astro Pizza og stendur reksturinn í stöðugum vexti.

Að baki Astro Pizza stendur Magni Hjaltason, eigandi og rekstraraðili staðarins, sem hefur sjálfur komið að uppbyggingu og daglegum rekstri frá upphafi. Hugmyndin að staðnum á sér þó mun lengri sögu. Magni byrjaði að vinna á pizzastað aðeins 15 ára gamall og fann snemma að veitingageirinn væri umhverfi sem hann vildi starfa í.

Hjá Astro Pizza er lögð áhersla á góðan grunn – gott deig og góða sósu. Magni sjálfur er einfaldur þegar kemur að pizzu og velur helst pepperoni og skinku. „Gott deig og góð sósa er lykilinn að góðri pizzu og þá finnst mér áleggið ekki skipta mestu máli.“

Astro býður stúdentum 35% afslátt af sóttum pizzum af matseðli og 15% af meðlætum gegn framvísun stúdentaskírteinis við afhendingu. Astro bauð okkur einnig pizzur á Sprellmóti.

Við erum ótrúlega spennt fyrir samstarfinu!!